當然小編唔反對政府批准新巴城巴加價係方便大股東賣盤，但如果由此得出九巴比新巴有心營運，恕小編無法同意。
有一定年資的港島乘客都知道新巴城巴係今年年頭調整票價的時候，已經有一段很長的時間無加價。各位可以參考下早前貼出的2001年新巴收費表，就算以現時票價再加上申請的12％加幅，票價增幅亦較大部分衣食住行的必要品在這18年的加幅為低。
當然，新巴城巴的管理層過往一段長時間無申請加價係一個失誤，加價和上市公司派息一樣，最重要係持續及溫和地有增長，不宜突然急增或減少。
不過文章帶出一點係很值得深思。近幾年，不少非巴士業內人士覺得九巴服務有很大進步，一定程度歸功於公關宣傳例如新顔色的紅巴，玻璃梯巴士，各區的pop up store 等等。
業內人士或許會不以為然，因為最近幾年新巴城巴新車數量不少，同樣有實時報站的應用程式，玻璃梯巴士只係好睇，而pop up store 只係賣紀念品而已。 至於引致脫班的人手不足和路面擠塞問題，同時困擾各間巴士公司，不應該只針對部分營運商。
唯有寄望十月份城巴40週年的活動搞得有聲有色，令城巴新巴在公關宣傳戰上不致於全面捱打。
https://hk.finance.appledaily.com/…/artic…/20190810/59918351
Search